Nga Boldnews.al
Patronazhistët e Partisë Socialiste janë kthyer në meme në rrjetet sociale. Ata, të njohur e të panjohur, “spiunë” në familje, fis, lagje e pallat, kanë kthyer kohët e diktaturës, ku një në tre persona ishte sigurims. Kësaj herë, “databaze” i Partisë Socialiste, interesante ka vetëm patronazhistët, të cilët në të shumtën e rasteve kanë plotësuar sa për të thënë preferencat.
Në momentin që s’kanë pasur informacion, i plotësonin preferenca të ndryshme partiake ndër vite. Por, ato që kanë tërhequr vëmendjen, krahas emrave VIP, janë pikërisht komentet e patronazhistëve. BoldNeës ka siguruar këto të dhëna dha ka bërë një vëzhgim të thjeshtë; me çfarë i joshin spcialistët votuesit? Ose me saktë, me çfarë i blejnë? Normalisht, në këto 30 vite pluralizëm, shqiptarët janë blerë me para’, punë shteti, legalizime, madje edhe me shërbime mjekësore.
Sipas vëzhgimit, këta patronazhistë shkruajnë se votuesit e sigurt janë anëtarët e familjes. “Anëtar familje, fisnor të punësuar në administratë” është komenti i tyre për këtë kategori, që janë vota të sigurta. Komente që faktojnë se në administratë ka nepotizëm të thellë dhe të punësuar mbi bindje partiake. Ndërkohë, ka edhe komente të tipit “i pakënaqur me shtetin, kërkon t’i futet djali në punë shteti”.
Ndërkohë, një nga fushatat që është përdorur rëndom për të mbledhur vota kanë qenë legalizimet. Kohë më parë, PS-ja akuzonte PD-në se po përdorte legalizime për vota. Dhe, e njëjta skemë, madje më e sofistikuar po përdoret nga mazhoranca aktuale. Patronazhistët shkruajnë se mijëra persona kanë kërkuar që t’u legalizohen pallatet që të votojnë për PS. “Duan legalizim të pallatit të votojnë për PS”, njëri nga komentet, që vijojnë “duan legalizim dhe votojnë për ne”. Pra, shumë e qartë! Dhe, bazuar në këto të dhëna, Agjencia Shtetërore e Kadastrës ka filluar punën rëndom në Tiranë.
Por, nuk mungojnë as komentet raciste dhe diskriminuese. “Romë dhe në të gjitha zgjedhjet janë blerë” shkruan njëri nga pateonazhistët, duke faktuar pikërisht akuzat ndër vite se komuniteti Romë është përdorur për vota. Komentet raciste vijojnë “dorë e zezë”, “me ngjyrë, dorë e zezë”, “nuk ka aftësi për të votuar, e sëmurë mendore”, apo “trajtohet me ndihmë ekonomike, varet nga gjendja e tij”. Duket se socialistët kanë përdorur të gjithë pushtetin për të mbledhur vota, por më kryesorja janë lekët. Një koment i tillë është “2 vota PS, kam shqetësim se nuk më kanë dhënë lekët”. Apo, komente që “duan ndihmuar dhe na japin votën”. Po mirë, po nëse i premtoni njerëzve këto shërbime bazë, çfarë bëtë këto 8 vjet në pushtet?
