Një ngjarje e rëndë ka ndodhur në Mamurras këtë të enjte, ku një sasi lënde plasëse ka shpërthyer në oborrin e banesës së shtetasit me iniciale Shpëtim Ndrecës.
Policia thotë se ka vetëm dëme materiale dhe po hetohet për zbardhjen e ngjarjes.
Deklarata
Më datë 15.04.2021, rreth orës 21:45, në Mamurras, Kurbin, në oborrin e banesës së shtetasit Sh.N., ka shpërthyer një sasi e vogël e dyshuar lëndë plasëse, e cila ka shkaktuar vetëm dëme të vogla materiale. Menjëherë në vendngjarje kanë shkuar forcat e Policisë dhe grupi hetimor ku po vijon puna për sqarimin e rrethanave të ngjarjes, identifikimin dhe kapjen e autorit.
