Kryeministri Edi Rama tha mbrëmjen e sotme në MCN TV se nuk ka asnjë shans që pas 25 prillit të ketë një koalicion mes PS dhe LSI.
Rama u shpreh se LSI është bërë një parti e papërdorshme, ndërkohë që vijoi diversionin lidhur me ftesën për bashkëpunim me Lulzim Bashën.
“Unë nuk ofrova ta blej, sepse nuk është ndonjë Mesi apo Ronaldo. Nuk jemi në fushën e shit-blerjeve të lojtarëve. U pyeta nga një gazetar lidhur me do t’i keni votat apo jo. I thashë do ti kemi votat, do të marrim patjetër mandatin e tretë. Jam i gatshëm të ndërtoj një rrugë bashkëpunimi të ngushtë me opozitën që do të dalë nga zgjedhjet, edhe me Bashën, në funksion të krijimit të një fuqie të madhe në funksion të vendit. Një energjie që spostohet nga konsumi i përçarjes tek fokusi i çështjeve.Kjo kërkon karakter. Karakteri nuk blihet dhe nuk krijohet”, tha Rama.
Rakipi: Cfarë force karakteri kërkon kjo që Basha të bashkohet me ju, që të shitet Basha dhe të kalojë tek ju?
Rama: Unë nuk ofrova ta blej, sepse nuk është ndonjë Mesi apo Ronaldo. Nuk jemi në fushën e shit-blerjeve të lojtarëve. U pyeta nga një gazetar lidhur me do t’i keni votat apo jo. I thashë do ti kemi votat, do të marrim patjetër mandatin e tretë. Jam i gatshëm të ndërtoj një rrugë bashkëpunimi të ngushtë me opozitën që do të dalë nga zgjedhjet, edhe me Bashën, në funksion të krijimit të një fuqie të madhe në funksion të vendit. Një energjie që spostohet nga konsumi i përçarjes tek fokusi i çështjeve.Kjo kërkon karakter. Karakteri nuk blihet dhe nuk krijohet.
Rakipi: Kur ai nuk e paska këtë forcë, përse hidhini këtë ide për qeveri të përbashkët?
Rama: Ka një diskutim të vjetër, se si mund të kapërcehet ky konflikt. Është konfikt që nga lufta e dytë botërore mes një pale dhe një pale tjetër, që është transferuar në një luftë terrori gjatë periudhës komuniste dhe më pas në formën e një revanshi. Ka mbetur si një ndarje, sikur kemi murin e Berlinit, në aspektin e Berlinit tonë politik. Njerëz që edhe në një fshat të largët, ndihen si të ndarë me thikë, për arsye që janë të tejkalueshme. Jam i gatshëm të punoj për këtë. Do të ishte gjëja më e jashtëzakonshme dhe më e çmuar, që gjenerata që unë i përkas do ti linte brezave.
Rakipi: Basha e ka refuzuar. Ju do ta vijoni të kërkoni bashkëpunim?
Rama: Në thelb shqiptarët duan atë që mungon, që politika të merret më tepër me ta dhe më pak me vetëveten. Do të luftoj për të krijuar hapërsira dhe ura.
Rakipi: Si ka mundësi që këtë diversion, nuk e bëni me LSI, me të cilën ju keni qeverisur. Përse nuk e bën me LSI-në këtë. E ke flakur kategorikisht?
Rama: Është pyetje që nuk ma kanë bërë shpesh. Është e vërtet që kemi bshkëpunuar me LSI. Nuk kam asnjë pishman. Falë atij bashkëpunimi janë bërë punë të mira. Koha ka rrjedhur dhe bashkë me kohën ka rrjedhur shumë edhe Ilir Meta. Sot LSI është thjesht mekanizmi vet i brendshëm, kap ca të kapësh, merr peng kë të mundësh. Është e papërdorshme për qëllime të mira. Bashkë me kohën ka rrjedhur shumë edhe Ilir Meta. LSI ka degraduar në mënyrë pakthim.
Rakipi: Në fushatën tuaj, nëse vjen një i huaj, kupton që nuk është opozitë Lul Basha por Meta dhe Berisha. Lufta juaj është me Metën dhe Berishën.
Rama: Lulzim Basha nuk është lideri vizionar dhe vendimmarrës, sepse nuk e ka karakterin e liderit. Sali Berisha ishte dhe është një lider, pavarësisht se është i mbrapsht.
