Shtatëmbëdhjetë viktima nga koronavirusi dhe 599 raste të reja u raportuan të Enjten në Kosovë.
Sipas Institutit Kombëtar të Shëndetësisë Publike të Kosovës, tre raste të vdekjes u regjistruan në Prishtinë, nga dy raste në Ferizaj, Gjilan, Kamenicë, Klinë, Mitrovicë dhe nga një rast në Gjakovë, Obiliq, Podujevë dhe Viti.
Rastet e reja pozitive, sipas IKSHPK-së, rezultuan pas 3,576 testimeve. Numri më i madh i tyre u regjistrua në Prishtinë: 128.
Kosova ka konfirmuar gjithsej 100,135 raste me koronavirus dhe 2,039 viktima.
Në total, 85,169 pacientë janë shëruar – prej tyre 868 në 24 orët e fundit.
Aktualisht, raste aktive me koronavirus në Kosovë janë 12,900.
