Një 34-vjeçar me origjinë nga Shqipëria, u arrestua nga personeli i Policisë së Shtetit në Latina të Italisë, në fund të hetimit të koordinuar nga zëvendësprokurori, Marco Giancristofaro. Ai joshte fëmijët dhe më pas i kërkonte para, duke i kërcënuar se do t’u tregonte prindërve gjithçka.
Burri duhet të përgjigjet për zhvatje dhe veprime persekutuese ndaj disa të miturve. I arrestuari joshte viktimat e reja përmes një platforme shoqërore për miqësi të reja dhe pas takimeve fillonte ferri: burri, në fakt, kërcënonte se do të bënte të njohur homoseksualitetin e pretenduar të djemve, duke kërkuar para në këmbim të heshtjes së tij.
Sipas Il Messaggerio, hetimi filloi nga një gjashtëmbëdhjetë vjeçar i cili, duke iu nënshtruar kërkesave të zhvatjes, bëri pagesa të përsëritura përmes një qarku elektronik për një total prej 2700 euro. Para që ai i bleu duke tërhequr nga llogaria e nënës së tij, pa dijeni e saj. Kur viktima e re mendoi se e kishte çliruar veten nga makthi në të cilin kishte rënë, përmes aplikacionit WhattsApp ai mori kërkesa të reja, këmbëngulëse për para.
Në atë moment djali vendosi të shkonte në Policinë e Shtetit për të bërë denoncim, hetimet e kryera nga agjentët kanë konstatuar përgjegjësinë e shtetasit shqiptar, i cili gjithashtu përdori një llogari telefonike në emër të një djali tjetër, i detyruar nga kërcënimet e vazhdueshme të regjistrojë celularin e përdorur nga krimineli dhe ta paguajë atë, në disa faza, deri në 10,000 Euro.
U zbulua gjithashtu se paratë e zhvatura ishin paguar në llogari të ndryshme të qarkut elektronik paysafecard, në emër të palëve të treta por në përdorim nga personi i arrestuar. Në fund të formaliteteve, shtetasi shqiptar u dërguanë Burgun e Frosinone.
