Kreu demokrat, Lulzim Basha, ka vijuar fushatën elektorale në zonën e Paskuqanit në Tiranë, ku është pritur nga disa dhjetra mbështetës të PD, por edhe socialistë të zhgënjyer.
Madje, këta të fundit i kanë shprehur Bashës mbështetjen për zgjedhjet e 25 prillit, ndërsa kreu demokrat i ka uruar mirëseardhjen në atë që e konsideron si bashkimi i madh i shqiptarëve.
Një prej socialistëve të pranishëm në takim ka grisur teserën e PS në sy të Bashës.
“Na ka bashkuar vuajtja, le të na bashkojë edhe ndryshimi dhe shpresa. Ndryshimi është për të gjithë. Voto 9! Voto ndryshimin!”, tha Basha.
Ai shtoi se socialistët janë vëllezërit dhe motrat tona.
“Votoni nr 9 për të ardhmen tuaj dhe të fëmijëve tuaj. Ndryshimi që po vjen i shërben të gjithë shqiptarëve, pa i ndarë në demokratë apo socialistë”, iu drejtua Basha.
