Një i ri është marrë peng në Vlorë nga dy persona, njoftoi këtë të Hënë policia lokale. Autorët janë arrestuar për veprat penale “Heqja e paligjshme e lirisë” dhe “Shtrëngimi me anë të kanosjes ose dhunës për dhënien e pasurisë”.
S.K., 20 vjeç dhe A. M., 23 vjeç, banues në Vlorë, u vunë në pranga.
Të njëjtat burime bënë me dije se në bashkëpunim me njëri-tjetrin, ata kanë dhunuar fizikisht shtetasin A.I., 27 vjeç, banues në Vlorë, të cilin e kanë mbajtur përreth 30 minuta në banesën e shtetasit S. K., me pretendimin se i kishte borxh shtetasit A. M., një sasi lekësh të cilën ende nuk ia kishte shlyer.
