Qeveria shqiptare më 2 nëntor ka marrë vendim që të shtojë në listë edhe 13 persona të tjerë të rrezikshëm si masë kundër financimit të terrorizmit. Bëhet fjalë për listën e njohur si lista e OKB-së, listë e hartuar nga çdo shtet në bazë të rezolutës së Këshillit të Sigurimit.
Mes 13 personave, 9 prej tyre janë pikërisht grupi i “xhihadistëve” të dënuar nga gjykata për rekrutim të luftëtarëve shqiptarë të ISIS.
Në 3 maj të këtij viti gjykata e shkallës së parë i dënoi të akuzuarit me 126 vite burg gjithsej, vendim i cili u ankumua edhe nga vete ata dhe nga prokuroria. Ndërsa Gjykata e Apelit për Krime të Rënda pritet të shpallë vendimin ditën e nesërme.
Bujar Hysa, i akuzuar si drejtues i grupit, u dënua me 18 vjet burg, ndërsa Gerti Pashja e Genci Balla u dënuan me nga 17 vite.
Zeqir Imeri u dënua me 16 vjet ndërsa Verdi Morava, Orion Reçi e Edmond Balla u dënuan me nga 13 vjet.
Fadil Myslimani u dënua me 12 vjet, ndërsa Astrit Tola u dënua me 7 vjet.
LISTA E INDIVIDEVE TE SHPALLUR SIPAS PROCEDURES SE BRENDSHME TE SHPALLJES
– GENCI BALLA (emri fetar – ABDURRAHIM) – shtetas shqiptar. i biri i Sami dhe Ajrije, i datelindjes 11.2.1979.
– BUJAR HYSA (emri fetar – EBU USAMA) – shtetas shqiptar, i biri i Asllan dhe Zoje, i datelindjes 18.6.1971.
– GERT PASHJA (emri fetar – EBU MUXHAHID ose MUHAMED), i biri i Isuf dhe Ike, i datelindjes 9.4.1984.
– ASTRIT TOLA (emri fetar – ISMAIL), i biri i Hajdar dhe Hamide, i datelindjes 20.6.1972.
– VERDI MORAVA, i biri i Dielli dhe Vergjinush. i datelindjes 14.11.1966
– ZEQIR IMERI (emri fetar – ZEKERIA ose ABU YAHJA), i biri i Isuf dhe Shkurte, i datelindjes 22.2.1980.
– EDMOND BALLA (emri fetar- ISUF), i biri i Shaban dhe Hanife, i datelindjes 24.10.1989.
– FADIL MUSLIMANI, i biri i Adem dhe Aishe, i datelindjes 26.1.1961.
– ORION RECI (emri fetar – Enes), i biri i Sami dhe Reme, i datelindjes 6.9.1977.
– SHKELZEN DUMANI (emri fetar – Omer), i biri i Fari dhe Mentije, i datelindjes 19.9.1975.
– MEHDI MANALLARI (emri fetar – IBU ABDULAZIZ ALBANI), i biri i Xhafer dhe Safie, i datelindjes 15.6.1949.
– ALMIR DACI (emri fetar – EBU BELKISA), i biri i Xhevair dhe Nafije, i datelindjes 1.3.1983.
– SHYQYRI KASA (emri fetar – SHUKRI), i biri i Maliq dhe Zanushe, i datelindjes 27.5.1966.
