Pronari i kamionit që transportonte 700 kg kanabis sativa drejt Italisë nëpërmjet portit të Durrësit është arrestuar ditën e sotme në aeroporin e Rinasit, teksa po kthehej nga Italia.
Sipas njoftimit të policisë bëhet fjalë për shtetasi Kacjolin Zefi, 51 vjeç, banues në Shkodër.
Dy ditë më parë (27 nëntor), një sasi prej 700 kg kanabis u sekuestrua nga policia në portin e Durrësit. Lënda narkotike u gjet në një kamion tip Iveko, pas kontrollit të ushtruar në vijën e dytë.
Mjeti drejtohej nga shtetasi me iniciale L.S, i cili pas arrestimit i lirua më vonë. Lënda narkotike ishte e ndarë në 497 pako.
Materialet i kaluan Prokurorisë së Krimeve të Rënda Tiranë për veprime të mëtejshme për veprën penale”Trafikimi i narkotikëve” e mbetur në tentativë.
