Janë të martuar prej gati 28 vitesh, kanë dy fëmijë, megjithatë Catherine Zeta-Jones, 51 vjeçe dhe Michael Douglas, 76 vjeç, janë gjithnjë e më të dashuruar, shkruan vanityfair.it.
Dhe të mendosh se në fillim askush nuk vinte bast për bashkimin e tyre edhe për shkak të diferencës në moshë.
”Bashkëshorti im është 25 vjet më i madh se unë, ky nuk është sekret. Por ne akoma shkojmë shumë mirë së bashku. Ne kurrë nuk e kemi humbur sensin tonë të humorit dhe i respektojmë hapësirat tona. Edhe ne, si të gjithë çiftet, kemi ulje dhe ngritje. Por, pa i humbur kurrë nga mendja pikat tona fikse që janë ta duam dhe ta respektojmë njëri-tjetrin”, theksoi aktorja në një intervistë të fundit me ”WSJ Magazine”.
Catherine dhe burri i saj kanë një sekret tjetër, pasi falë zanatit të tyre si aktorë ata mund të “kalojnë shumë kohë së bashku.
”Ndryshe nga shumica e çifteve, ne kurrë nuk kemi pasur një punë me orar fiks. Ka raste kur unë punoj 16 orë në ditë dhe të tjera kur nuk punoj fare. E njëjta gjë vlen edhe për të. Falë kësaj, gjatë marrëdhënies sonë kemi pasur shumë mundësi për të qenë së bashku për një kohë të gjatë. Falë kësaj, ne ishim në gjendje të jetonim për 12 vjet në një ishull të Bermuda, ku rritëm fëmijët tanë”, shtoi Catherine.
Catherine dhe Michael u takuan për herë të parë në vitin 1998 në festivalin francez të Deauville, ku ajo prezantoi ”Maska e Zorros”.
”Ajo është gruaja më e bukur në botë. Do të martohem me të”, kishte deklaruar Douglas.