Ndërkohë që kryeministri Edi Rama vijon të thotë se kanabisi në Shqipëri nuk është problem shqetesues, mediat ndërkombëtare i bëjnë jehonë rritjes së trafikut dhe këtij fenomeni.
Televizioni publik britanik BBC ka bërë një investigim për kultivimin e kanabisit në Shqipëri.
BBC njofton se ka bërë një dokumentar në vendin tonë, e cila e cilëson Shqipërinë si prodhuesin më të madh të kanabisit në Evropë dhe që do të transmetohet në vijim.
“Kjo industri e paligjshme mbikëqyret nga grupet e krimit të organizuar. Shumica e drogës trafikohet jashtë dhe shumica e fshatrave varen nga paratë që përfitohen nga shitja e saj. Qeveria shqiptare po përpiqet të luftojë këtë industri duke asgjësuar miliona bimë narkotike”, raporton BBC në programacionin e publikuar në faqe.
Investigimi i plotë do të publikohet gjatë ditës së sotme, e cila do të përcjellë fakte dhe detaje të kultivimit të drogës dhe implikimit të zyrtarëve.
