Kandidatët e Partisë Demokratike në Qarkun e Vlorës, Bujar Leskaj, Jolio Dine dhe Ina Zhupa, kanë vijuar fushatën elektorale në fshatin Bërdënesh të Sarandës, nga ku vunë theksin në mungesën e investimeve dhe largimin e të rinjve.
Për kandidatin për deputet Jolio Dine, problemet e Berdeneshit janë jetësore dhe këto mungesa të mëdha për ta janë pasojë e mungesës së vëmendjes nga qeveria aktuale.
“Për pritjen e banorëve të Berdeneshit, drejtuesi politik për Qarkun e Vlorës, Bujar Leskaj, ka thënë se është një respekt të cilin ai dhe qeveria Basha do dijë ta shpërblejë pas 25 prillit”, tha Dine.
Leskaj ka folur edhe për deklaratën e kryeministrit për largimin e rinisë shqiptare dhe ardhjen e emigrantëve si fuqi punëtore. Leskaj ka thënë se largimi i të rinjve është përgjegjësi e shtetit, nga mungesa e politikave motivuese.
“Për banorët e Berdeneshit, politikat e qeverisë Rama kanë qenë dëmtuese dhe jo në favor të tyre. Ata thonë se në 8 vite për ta nuk është bërë asnjë investim, jo vetëm për Berdeneshin, por për gjithë Sarandën”, tha Leskaj.
Banorët e Bredeneshit kanë dhënë mbështetjen e tyre për Partinë Demokratike dhe programin e saj.
