Policia e Shtetit nisi mbrëmjen e djeshme një reprezalje ndaj punonjësve të Albcontroll, të cilët prej ditës së djeshme kishin shpallur paaftësinë e përkohshme për punë, një klauzolë të cilën ua njeh kontrata që nënshkrojnë dhe ligji. Kanë qënë 24 kontrollorët që janë shoqëruar në mesnatë, ndërsa derimë tani janë lënë të lirë vetëm 4 prej tyre.
Në mesin e të shoqëruarve është edhe Pirro Lako, i cili ka thënë për mediat se i kanë sekuestruar telefonin, dhe se brenda në komisariat iu ishte mohuar e drejta e mbrojtjes.
Sa orë qëndruat i shoqëruar në Drejtorinë e Tiranës?
Lako: Që nga ora 11 e darkës.
Çfarë ju komunikua?
Lako: Thjesht për një pyetje, plotësoni deklaratën për veprimet tona, pse deklaruam paaftësinë. Mua më bënë pyetje të thjeshta, thjesht më kanë mbajtur telefonin, nuk e di pse. Nuk e di a kanë të drejtë ta hapin telefonin dhe ta mbajnë, por aty jemi pambrojt.
Firmosët diçka?
Lako: Firmosa deklaratën dhe një procesverbal për telefonin.
Telefoni është aktualisht i sekuestruar?
Lako: Po i sekuestruar. Nuk e di, nuk është se të thonë shumë, thjesht do kalojë në prokurori.
