Pas sulmeve virtuale të njëpasnjëshme mes dy reperëve, Noizy dhe Escobars të cilët kanë qenë miq dikur, debati ka vazhduar edhe sot.
Noizy dje la të kuptohej se nuk do ta vazhdojë më tej sherrin: “S’do t’i jap më vëmendje. Herës tjetër mos shkruani gjëra koti për vëmendje.”
Por, kjo nuk vlen për Escobars i cili duket qartazi që nuk do ta lërë me kaq. Ditën e djeshme, ai publikoi sërish në Instagram pjesë nga freestyle në “Gjoni Black” dhe ka hedhur thumba për Noizy-n.
“Morali i historisë, njerëz kujdes kë ndihmoni gjatë rrugës saj… jo çdokush që ndihmoni e meriton ndihmën tuaj. Mbaje mend që të gjithë sillen mirë me ty kur kanë nevojë për diçka, nuk do të thotë se kanë qëllime të mira. Ata thjesht sillen mirë, sepse kanë nevojë për ty dhe sepse ti je një person i fuqishëm. Ky djalë as nuk mund të më afrohet mua. Kam pasur shumë miq fallco, që tashmë janë kthyer në k***a dhe urrejtës dinak, teksa unë kam qenë duke rrezikuar gjithçka për ta, madje edhe lirinë time. Do ja lëmë thashethemet e internetit këtyre k***ve dhe ne do të vazhdojmë të fitojmë miliona. Një këngë e re është rrugës, për momentin shijoni këtë fresstyle”, ka shkruar Escobars.
Escobars ka paralajmëruar se do të nxjerrë disa fotografi që janë fakte për të shkuarën e Noizyt.
Fansat e Noizy-t kanë raportuar çdo postim që Escobars gjë që ka bërë që Instagrami t’i fshijë.
“Dëgjo, nëse përpiqesh t’i fshish postimet e mia në Instagram do postoj fotografitë dhe do të shkatërroj një herë e mirë dhe po të paralajmëroj. Kështu që thuaju fansave të tu që të ndalin ose do publikoj vogëlsirat. Nuk po bëj shaka, thjesht po i bën gjërat më keq për veten tënde”, ka shkruar Escobars.
