Çifti i famshëm i aktorëve ka ndarë me të gjithë fansat lajmin se do të bëhen prindër për herë të tretë. Lajmi ka qenë një surprizë e bukur edhe për ata vetë, vetëm një vit pasi janë bërë prindër për herë të dytë.
Bergüzar Korel dhe Halit Ergenç janë shumë të lumtur për këtë surprizë që u erdhi si dhuratë. Korel rrëfeu për fansat se ishte bërë gati për të nisur xhirimet për një serial të ri, por sapo mësoi se ishte në pritje të ëmbël, u tërhoq nga projekti.
Korel tha se gjithmonë ka ëndërruar një shtëpi të madhe me shumë fëmijë, kështu që edhe këtë pritje të ëmbël do ta shijojë se bashku me dy djemtë e saj, Ali (11 vjeç) dhe Han (1 vjeç).
“Ndërsa isha duke u bërë gati për të nisur xhirimet për një serial të ri, zbulova se jam shtatzënë. Ishte një surprizë shumë e bukur për mua dhe familjen.
Të qenit shtatzënë, në fakt, nuk më pengonte të vazhdoja me projektin, por u detyruam ta shtyjmë punën, për të cilën kemi punuar me muaj, edhe për shkak të situatës dhe rasteve të shtuara me koronavirus. Mundësitë për të ruajtur distancën, në punën tonë, janë të vështira, kështu që jemi të detyruar t’i shtyjmë xhirimet për një fazë të mëvonshme”, – shkruan aktorja.
