Europa League: Përcaktohen çiftet çerekfinaliste

Në selinë e UEFA-s në Nyon është hedhur sot paradite shorti për përcaktimin e çifteve çerekfinaliste të Europa League, të cilat janë:

Borussia Dortmund – Liverpool
Sévilja – Athletic Bilbao
Villarreal – Sparta Praga
Braga – Shakhtar Donetsk
Ndeshjet do të luhen më 7 e 14 prill dhe finalja do të luhet në Bazel (Zvicër) më 18 maj.

Reagimet e para të ekipeve çerekfinaliste

Pas shortit të hedhur në selinë e Uefa­s, kanë ardhur edhe reagimet e para nga protagonistët e çerekfinaleve të Champions League. Megjithëse një short i lehtë në letër për Realin e Madridit, nuk mendon në të njëjtën Emilion Butragueno.

Drejtori i Marrëdhënieve Institucionale në skuadrën e Realit shprehet se ekipit të tij nuk i lejohet të gabojë, pasi e di mirë çdo të thotë të bësh një gabim në Europë, shkruan Panorama Sport.

“Në fazën çerekfinale çdo kundërshtar është i fortë. Ne duhet të luajmë mirë, pasi e dimë se çfarë do të thotë të bësh një gabim në Europë. Fillimisht duhet të marrim një rezultat të mirë në Gjermani dhe më pas kualifikimin në fushën tonë, ku do të kemi edhe mbështetjen e tifozëve”, tha Butragueno.

Bajerni i Mynihut do të përballet me Benfikën, një ndeshje, që gjithashtu është e lehtë në letër për bavarezët. Por futbollistët e Guardiolës kërkojnë të bëhet kujdes me ekipin portugez. “Ne duhet të respektojmë Benfikën, është një skuadër që ka arritur në çerekfinale dhe ka zhvilluar një kampionat të mirë në Portugali. Si në çdo ndeshje tjetër ne do të sulmojmë dhe kontrollojmë lojën. Kemi kohë të mjaftueshme për të analizuar përballjen me Benfikën”, tha Xabi Alonso.

Ndërsa Franck Ribery: u shpreh se “ky është një short i mirë për ne, por unë mendoj se Benfika është një ekip shumë i mirë dhe duhet të jemi të përqendruar në përballjen me këtë ekip. Derbi i këtyre çerekfinaleve do të jetë ai mes Barcelonës dhe Atletikos së Madridit. Trajneri i Atletikos, Diego Simeonë tha pas shortit se “Barcelona është një rival i rëndësishëm dhe ndoshta skuadra më e mirë në botë. Ku ka më mirë për nëse sa të luajmë kundër më të mirëve dhe kjo vërtet na entuziazmon”.

(Boldnews)