“Lufta” kundër lojërave të fatit ishte kryefjalë e fushatës së Partisë Socialiste në vitin 2013. Edi Rama e vazhdoi retorikën edhe kur erdhi në pushtet dhe policia nisi edhe një operacion në shkallë të gjerë të quajtur “Fundi i marrëzisë”. Por 6 deputetë të maxhorancës duan të favorizojnë bosët e kumarit. Bëhet fjalë për Ervin Bushati, Ervin Koçi, Blerina Gjylameti, Tahir Muhedini, Ylli Shehu dhe Luan Duzha
“Jemi të vendosur për një betejë pa kompriomis dhe çdo kënd rruge të republikës së Shqipërisë për t’i dhënë fund ketij aktiviteti të zhvilluar në mënyrë ilegale, por paralelisht do të ecim perpara shumë shpejt me një reforme që do të përcaktojë kufij shumë të qartë edhe për pjesën legale te këtij aktiviteti, ndërkohë që po punojmë për një strategji daljeje për ata që janë të licensuar dhe e ushtrojnë brenda kufijve të ligjit ekzistues. Ky nuk mund të jetë as legalisht aktivitet i së ardhmes se vendit. E ardhmja e vendit nuk mund të ketë asgjë të përbashkët me bixhozin” deklaronte Edi Rama në tetor 2013.
Por 3 vjet më vonë ligji për lojërat e fatit nuk ka hyrë në fuqi. Me gjasë ai do të shtyhet edhe për 2 vjet të tjera. Ligji i miratuar në vitin 2015 duhet të hyjë në fuqi pas një muaji. Por një grup deputetës të mazhorancës kanë ndërmarrë një nismë për ta shtyrë hyrjen në fuqi deri më 31 dhjetor 2018. Hashtag ka mësuar se tre nga deputetët që kanë kërkuar shtyrjen e afatit të ligjit për lojërat e fatit janë të partisë socialiste, dy janë të LSI-së dhe një i PDIU-së. Ata janë Ervin Bushati, Ervin Koçi, Blerina Gjylameti, Tahir Muhedini, Ylli Shehu dhe Luan Duzha.
Ligji parashikon kritere që duhet të kufizonin përhapjen e lojërave të fatit duke mos lejuar hapjen e pikave të basteve brenda një distance prej 200 metrash njëra nga tjetra.
Gjithashtu parashikohet moslejimi i hapjes së këtyre pikave pranë institucioneve fetare dhe arsimore si dhe zhvendosja e kazinove në resorte turistike dhe hotele me 5 yje.
