Të premten, Kosova regjistroi dhjetë viktima dhe 793 raste të reja me COVID-19, njoftoi Instituti Kombëtar i Shëndetësisë Publike.
“Rastet e vdekjes janë nga komunat: Ferizaj 2 raste (87, 76 vjeç), Mitrovicë 2 raste (81, 61 vjeç), Pejë 2 raste (84, 73 vjeç), Deçan 1 rast (76 vjeç), Kamenicë 1 rast (73 vjeç), Lipjan 1 rast (84 vjeç) dhe Podujevë 1 rast (82 vjeç) ”, thuhet në njoftimin e IKSHPK-së.
Rastet e reja dalin pas 4.033 testimeve.
Në 24 orët e fundit, janë shëruar 755 pacientë.
Që prej 13 marsit të kaluar, e deri më 2 prill Kosova ka regjistruar 92.198 raste me COVID-19. Prej tyre, 1.894 pacientë kanë humbur jetën dhe janë shëruar 76.402 persona.
Raste aktive janë 13.902.
