Kryeministri Edi Rama tha sot në emisionin Open se nuk do të bëjë asnjë premtim në fushatë elektorale, por ka një plan veprimi.
Rama tha se pala tjetër po paraqet të njëjtat programe si në 2017 apo edhe më herët.
“Thonë do ulim kontributet shoqërore, por do rrisim pensionet. Si do e bëjnë këtë, çfarë programi është ky”, tha Rama.
Kryeministri u pyet se ku jep llogari Qeveria e tij, ndërsa Rama tha se llogarinë e jep para popullit shqiptar.
“Do e shikoni më 25 prill, kjo është llogaria që jap unë”, tha Rama. Sipas tij, historitë me mandatin e parë u mbyllën në 2017, duke shtuar se tani synon mandatin e 3-të.
“Unë po marr mandatin e 3-të, ju më flisni mua për mandatin e parë dhe të dytë”, tha Rama.
