Katër persona, mes tyre edhe një fëmijë u vranë në Kaliforni të SHBA-së të mërkurën në mbrëmje si pasojë e disa të shtënave me armë zjarri në një kompleks zyrash në Orange. Ndërkohë një person tjetër raportohet se ka mbetur i plagosur.
Autoritetet policore thanë se morën një telefonat për të shtëna me armë zjarri në një kompleks zyrash dhe shkuan menjëherë.
Ndërkohë autori ka mbetur i plagosur, por nuk dihet nëse është plagosur nga policia apo në rrethana të tjera.
Në vendin e ngjarjes u gjet një armë zjarri. Ndërsa nuk dihen ende detajet e ngjarjes.
Policia thotë se aktualisht nuk ka rrezik për qytetarët, ndërkohë që pohon se ngjarje e tillë nuk ka ndodhur që prej vitit 1997.
“Mund t’ju them se nuk kemi pasur një incident si ky në qytetin Orange që nga viti 1997. Është thjesht një tragjedi e tillë për viktimat, familjet e tyre, komunitetin tonë dhe departamentin tonë të policisë”, tha një oficer policie.
