Kryetari i Partisë Demokratike u ndal sot në Korçë ku është pritur nga simpatizantë të shumtë.
Menjëherë pas takimit erdhi dhe reagimi i kryeministrit të vendit, i cili akuzon PD-në se “po bën përshesh në çdo shesh në situatën ku ndodhet vendi”.
“‘Të gabosh është njerëzore, të këmbëngulësh në gabim është djallëzore’, thoshin latinët. Kjo këmbëngulje prej shejtan budallai në fajin e kërcënimit të shëndetit të njerëzve për interesin mizerabël të një fushate edhe më mizerabël, me makina, bori, zhurmë e turmë, duke bërë përshesh në çdo shesh, është një djallëzi prej njerëzish pa vizion, pa karakter, pa përgjegjësi e as fije njerzillëku. *Sot në Tiranë, ku vazhdon vaksinimi masiv e në Korçë, ku u krye një tjetër faj i shëmtuar infektimi masiv. (Lus Zotin që për dy a tre javë që i duhen virusit të kapë rrugët e frymëmarrjes, këta njerëz të verbër e të keqpërdorur, të mos përfundojnë spitaleve për mullaqet e Lulëzimit e për mustaqet e Saliut”, shkruhet në postimin e Ramës në rrjetet sociale.
Edhe më herët, Rama ka sulmuar Bashën për mosreskpetim të masave anti-Covid në takimet elektorale.
