Mjeku epidemiolog Ilir Alimehmeti tha mbrëmjen e sotme në emisionin Log. në Abc, se mes një vaksine të certifikuar dhe një vaksine të pacertifikuar, padyshim do të zgjidhte të parën.
Ndërsa Kreu i Urgjencës Kombëtare, Skënder Brataj, dhe ish-ministri Gjergji Koja, u vaksinuan me Pfizer si mjekë, Alimehmeti tha se kishte refuzuar të vaksinohej me Astrazeneca, pasi e kishte kaluar Covid-19.
“Unë refuzova AstraZeneca, mendoni se do pranoja të vaksinohesha me një vaksinë të pacertifikuar”, tha Alimehmeti.
Ai shtoi se për vaksinën kineze nuk ka të dhëna të plota dhe mungojnë veçanërisht të dhënat e fazës së tretë.
Vaksina kineze Coronavac nuk ka marrë certifikim nga EMA, FDA por edhe OBSH, ndërsa ajo po përdoret në masë në Shqipëri.
