Gazmend Sllami është 17 vjeçari i cili u gjend i vrarë pasditen e sotme nv një kodër vetëm 200 metra larg shtëpisë së tij.
I riu jetonte në fshatin Gur i Zi u gjend i vrarë nga familjarët.
Megjithëse është nisur me urgjencë drejt spitalit kirurgjik, për të riun nuk ka pasur asnjë mundësi shpëtimi pasi ai ka ndërruar jetë në vendin e ngjarjes. Drejt fshatit të thellë malor është nisur policia dhe një grup hetimor. Ende nuk dihen shkaqet dhe rrethanat e ngjarjes. Në komunikatën zyrtare të policisë citohet se 17 vjeçari është gjendur i vrarë nga vetë familjarët dhe se ai është vrarë me armë gjahu tip çifte. Forca të shumta policore kanë rrethuar zonën përreth dhe po punojnë për identifikimin dhe kapjen e autorëve. Vrasja e të riut është e zhytur në mister pasi burime nga të afërmit pohojnë se Gazmendi nuk ka pasur asnjë konflikt me të tjerë. Megjithatë grupi hetimor ka ngritur disa pista hetimi. Në policia janë shoqëruar disa persona të cilët po japin dëshmi për rrethanat e kësaj ngjarje.
