Policia e Fushë–Krujës bën me dije se një i burgosur i cili vuan dënimin për vrasje në burgun e këtij qyteti ka kërcënuar përmes telefonit se do kryejë sulme terroriste.
Sipas drejtorisë së Antiterrorit në Policinë e Shtetit i dënuari Naim Behari (Nikolas Kostandinos) ka paralajmëruar me telefon për atentate terroriste.
Njoftimi i Policisë
Si rezultat i monitorimit dhe punës së bërë nga Drejtoria e Antiterrorit, më datë 25.11.2016, u referuan materialet në Prokurorinë e Krimeve të Rënda, për të dënuarin Naim Behari, (Nikolas Kostandinos), burgu Fushë Krujë, për veprën penale “Kanosje për kryerjen e veprave me qëllime terroriste, parashikuar nga neni 232/b i Kodit Penal.
Ky shtetas është i dënuar dhe vuan dënimin për vrasje dhe ka kërcënuar nga telefoni i burgut se do të kryente akte terroriste.
