Mbrojtësi nga El Salvadori, Roberto Domingez, i cili është lojtari i afruar tek Partizani në merkaton e janarit nga skuadra e Bolivarit në Bolivi, ka folur gjatë një prononcimi për “Diario El Salvador” duke treguar vështirësitë e Shqipërisë:
“Deri më tani ky kalim përmes futbollit shqiptar ka qenë pak i vështirë. Ka shumë çështje që kanë qenë të komplikuara për mua, njëra prej tyre është gjuha. Por ne po përpiqemi të mësojmë pak më shumë, veçanërisht anglisht, e cila është gjuha që ata flasin. Unë nuk kam qenë në gjendje të debutoj akoma dhe ne jemi duke pritur për mundësinë.”
