Në përballjen kualifikuese për eliminatoret e Kupës së Botës, ndeshja midis Italisë dhe Shqipërisë do të luhet në stadiumin e Palermos. Lajmi është konfirmuar nga Federata Italiane e Futbollit, e cila ka vendosur që sfida e 24 marsit të ardhshëm do të luhet në një arenë prej 36 mijë vendëshe, por në një zonë ku jetojnë pak shqiptarë.
Në “Renzo Barbera” janë zhvilluar gjatë viteve të fundit përballjet kualifikuese me Bullgarinë dhe Azerbajxhanin.
Mediat italiane më herët përmendën si variante për zhvillimin e ndeshjes edhe qytetet e Rexhio Emilias dhe Udines, por kjo është hedhur poshtë federata Italiane duke zgjedhur një qytet në jug të Italisë për zhvillimin e ndeshjes në kuadër të kualifikuesve të Botërorit “Rusi 2018”. Kjo do të jetë përballja e dytë pas miqësores së 2 viteve më parë në Xhenova ku pjesa më e madhe e spektatorëve ishin shqiptarë.
