Deklaratat e kandidates për deputete së Partisë Socialiste në Qarkun e Tiranës, Luljeta Bozo, e cila u shpreh pak ditë më parë se komunizmi ka pasur më shumë anë pozitive se negative, vijojnë të prodhojnë reagime.
Diaspora për Shqipërinë e Lirë, së bashku me Qëndresa Qytetare dhe Pan Albanian Federation of America Vatra (the Hearth) DC Chapter, shprehen të tronditur nga relativizmi i komunizmit nga znj. Bozo.
Ato iu drejtuan me një shkresë mbi 60 eurodeputetëve të Parlamentit Europian dhe institucioneve të tjera të Bashkimit Europian, duke u bërë thirrje të shprehen në mënyrë kritike ndaj partive politike në Shqipëri, kandidatët e të cilave normalizojnë ndikimin shkatërrimtar dhe krimet e regjimit totalitar komunist në vend.
“Izolimi më barbar kulturor, shoqëror dhe njerëzor që i ka ndodhur Shtetit Shqiptar që nga krijimi i tij, promovimi si arritje i vjedhjes së pronës private duke shkaktuar kollapsin më të madh ekonomik, por dhe anashkalimi i shkatërrimit shpirtëror me zhdukjen e insitucioneve historike dhe atyre të kultit, nuk mund të kalojnë lehtë dhe të relativizohen.
#asnjëemirëngakomunizmi
#asnjëjustifikimpërkrimet
#sistemivarfëruesivendit
#dënokrimetekomunimit
#kundërriciliklimittëfigurave”, thuhet në reagimin përmes rrjeteve sociale.
Deklaratat e Bozos shkaktuan reagime të shumta edhe brenda vendit, dhe duket se ky presion qytetar, detyroi kandidaten e Ramës që të shfaqet sërisht dhe ta cilësojë Enver Hoxhën një diktator.
