Dy vëllezërit Marjan Doçaj dhe Hoten Doçaj janë kushërinj me Gentian Doçajn, i cili është në kërkim si urdhërues i pengmarrjes së Jan Prengës në Kamëz 1 vite më parë.
Nuk dihet nëse ngjarja ka lidhje me pengmarrjen, pasi sipas burimeve policore plagosja mund të ketë qenë pas një konflikti të çastit.
KUSH ËSHTË GENTIAN DOCAJ
Nga hetimet rezulton se Gentian Doçaj është personi që urdhëroi rrëmbimin e 49-vjeçarit, pasi vëllai i pengut zhduku një sasi të madhe kokaine që e nxori nga një port në Britaninë e Madhe. Hetuesit thonë se ai u kërkoi të afërmve të vëzhgonin dhe të merrnin peng Jan Prengën për t’i bërë presion të vëllait t’i kthente drogën.
Jan Prenga humbi jetën gjatë kohës që rrëmbyesit e tij do ta transportonin në resortin Golden në Shijak, pasi e morën me forcë në rrugën London, në Kamëz.
