Ditën e nesërme, datë 21 mars, do të luhet java e 25-të e Superiores. Të gjitha ndeshjet janë programuar të zhvillohen të dielën, ndërsa me interes priten gjyqtarët e caktuar për të ndarë drejtësi në këto takime.
Partizani – Teuta shihet si kryesfida e javës e cila do të zhvillohet në orën 16:00, ndërsa me interes pritet edhe përballja e Laçit kundër Tiranës.
Gabimet e shumta të gjyqtarëve në ndeshjet e fundit kanë rritur tensionin në futbollin shqiptar. Mbledhja e presidentit Armand Duka me arbitrat disa javë më parë ka shtuar presionin te ata dhe një gjë e tillë u pa që në takimin e Kupës së Shqipërisë, mes Laçit dhe Partizanit me plot 4 penallti të padhëna nga gjyqtari Kridens Meta.
Pritet me interes të shihet se kush do të gjykojë nesër të 5 takimet e Superiores që janë si më poshtë: Apolonia – Skënderbeu, Laçi – Tirana, Kastrioti – Vllaznia, Bylis – Kukësi dhe Partizani – Teuta. Kujtojmë që veç sfidës së Elbasan Arenës që do të luhet në orën 16:00, gjitha ndeshjet e tjera janë caktuar të zhvillohen në orën 13:00.
