Eraldo Çinari është emri më i lakuar te Partizani. Shkodranit i përfundon kontrata këtë verë dhe mund të largohet me parametra zero, nëse nuk rinovon me Demat që drejtohen nga Ilir Daja.
Për sulmuesin ka pasur interes edhe në merkaton e dimrit, edhe pse lojtari qëndroi katër muaj pushim dhe i paaktivizuar prej problemit tanimë të zgjidhur me FIFA-n.
Veç tre skuadrave nga Azerbajxhani, 24 vjeçari duket se është pikasur nga një prej klubeve elitare në Hungari. Forma e mirë e sezoneve të fundit, aktivizimi në fushë dhe protagonizmi i menjëhershëm kanë bërë që për të të interesohet një prej klubeve në Hungari.
Duket se mëngjarashi do të jetë shitja e ardhshme e Partizanit, me Dajën që ka sqaruar se brenda pak ditësh pjesa më e madhe e lojtarëve do rinovojnë me klubin.
