Policia Italiane ka arrestuar 24-vjeçarin Sander Marku, me 50 grama kokainë, para kesh si dhe mjete të tjera për shpërndarjen e dozave. Sipas mediave në shtetin fqinj, 24-vjeçari Marku, bënte një jetë luksi duke tërhequr vëmendjen e policisë.
Ai flinte zakonisht gjatë ditës, ndërsa natën merrte pjesë në klubet e modës dhe jo vetëm. Në rrjetin social facebook ai postonte foto të panumërta veçanërisht me shishe shampanje nga jeta që bënte.
Kjo tërhoqi dyshimet e policisë në Fano e cila filloi ta vëzhgonte. Policia e vëzhgoi gjatë për ta identifikuar dhe se ku jetonte, ku më pas edhe e arrestoi duke e bllokuar me një dozë kokainë bashkë me klientin.Gjykata ka vërtetuar arrestimin e tij, duke e lënë atë në burg.
