Pas dekretimit të katër anëtarëve të rinj të Gjykatës së Lartë, kjo e fundit ka përshëndetur vendimin, ndërkohë u ka uruar mirëseardhjen gjyqtarëve.
Sokol Binaj, Albana Boksi, Sandër Simoni dhe Klodian Kurushi, janë katër gjyqtarët e dekretuar gjatë kësaj të premte duke e çuar në shtatë numrin e anëtarëve të kësaj gjykate nga 19 duhen gjithsej.
Njoftimi
Gjykata e Lartë e Republikës së Shqipërisë shpreh kënaqësinë për emërimin dhe dekretimin e katër anëtarëve më të rinj të saj. Gjykata e Lartë i uron mirëseardhjen Z.Sokol Binaj, Znj. Albana Boksi, Z. Sandër Simoni dhe Z. Klodian Kurushi. Jemi besimplotë se anëtarët e rinj do të sjellin me vete përkushtimin e tyre, integritetin dhe ndershmërinë, në shërbim të funksionalitetit te Gjykatës së Lartë dhe rritjes së besimit të publikut tek drejtësia.
