Aktori Armie Hammer është nën hetim policor pasi një grua pretendoi se ishte përdhunuar me forcë nga ai në 2017-ën, për disa orë, dhe mendoi se do ta vriste, raporton “CNN”. Hammer ka mohuar pretendimet për përdhunim.
Effie, e cila jeton në Evropë, tha se kishte një lidhje romantike dhe intime me Hammer nga 2016 deri në 2020. Ajo ishte 20 vjeç kur u takua me Hammer në “Facebook” dhe “ra në dashuri me të në çast”, sipas saj. Ajo pretendon se Hammer u bë “gjithnjë e më i dhunshëm” me kalimin e kohës.
“Ai abuzoi me mua mendërisht, emocionalisht dhe seksualisht,”– tha ajo të enjten e përlotur.
Effie akuzoi Hammer për përdhunim për më shumë se katër orë në Los Anxhelos më 24 prill 2017. Ajo tha se ai kreu akte dhune ndaj saj, për të cilat ajo nuk pranoi, siç ishte goditja me litar tek këmbët.
“Mendova se ai do të më vriste“,– tha ajo.
Në një deklaratë, avokati i Hammer hodhi poshtë pretendimet e Effie, duke thënë se të gjitha bashkëveprimet e Hammerit me të dhe partnerët e tjerë “kanë qenë plotësisht konsensuale, me dakordësinë e secilës palë paraprakisht.”
