Në disa seanca radhazi kryeministri Edi Rama debatonte gjatë me Albana Vokshin për reformën në Shëndetësi. Madje disa herë ai e etiketonte edhe si Pamela Anderson e serialit “Baywatch”.
Por së paku në 3¬4 seancat e fundit, ai duket se ka një ‘fiksim’ tjetër, edhe pse debatet e replikat me Vokshin nuk i mungojnë. Kreu i Qeverisë është kapur me fjalë, batuta e ironi me Jorida Tabakun kryesisht sa i përket reformave ekonomike. Një të tillë pati edhe sot në Kuvend.
“Papunësia sipas Bankës Botërore është ulur. Jam shumë i kënaqur që e kam zonjën Tabaku këtu, se nuk e kisha herën e kaluar kur doli raporti për nivelin e korrupsionit, ngaqë e di që i ndjek me përparësi raportet ndërkombëtare, jam e bindur që edhe zonja Tabaku nuk do e mohojë dot raportin e Bankës Botërore”, u shpreh Rama, teksa Tabaku e fokusuar nga kamera buzëqeshte.
