Kompania Moderna Inc. ka filluar studimin e vaksinës kundër Covid-19 te fëmijët nga 6 muajsh deri në 11 vjeç në SHBA dhe Kanada, përpjekja e fundit për të zgjeruar fushatën e vaksinimit masiv përtej të rriturve.
Ditën e martë, 16 mars, u tha se për fëmijët e parë që kanë marrë doza, Moderna, në bashkëpunim me Institutin Kombëtar të Alergjisë dhe Sëmundjeve Infektive dhe një divizioni të Departamentit të Shëndetit dhe Shërbimeve Njerëzore, po punojnë për zhvillimin e studimit.
“Ky studim pediatrik do të na ndihmojë të vlerësojmë sigurinë dhe imunogjenitetin e mundshëm të vaksinave kundër Covid-19 në këtë popullatë të rëndësishme të moshës më të re”, tha shefi ekzekutiv i Moderna, Stéphane Bancel.
Prova klinike, e quajtur studimi KidCOVE, do të regjistrojë afërsisht 6,750 fëmijë në SHBA dhe Kanada.
I gjithë procesi është i ndarë në dy pjesë. Në pjesën e parë, doza të ndryshme të vaksinës po testohen tek fëmijët. Fëmijët midis moshës 6 muajsh dhe 1 vjeç do të marrin dy doza me hapësirë prej rreth 28 ditësh larg, në nivel 25 ose 50 ose 100 mikrogramë. Fëmijët midis moshës 2 dhe 11 vjeç do të marrin dy doza të vaksinës me hapësirë prej rreth 28 ditësh larg, në një nivel 50 ose 100 mikrogramë.
Gjetjet e pjesës së parë do të përdoren për të përcaktuar se cila dozë do të përdoret në pjesën e dytë. Për pjesën e dytë, prova për studimin do të zgjerohet duke përfshirë fëmijët që u jepet një placebo, ose “vaksinë”, e cila nuk bën asgjë. Fëmijët, më pas, do të ndiqen për 12 muaj pas injeksionit të tyre të dytë.
Moderna nuk është e vetmja vaksinë e Covid-19 që testohet aktualisht tek fëmijët, pasi edhe vaksina Pfizer/BioNTech Covid-19 po zhvillon të njëjtin studim. Johnson & Johnson ka njoftuar planet për të studiuar vaksinën tek adoleshentët, nga moshat 12 deri në 18 vjeç.
Në dhjetor, Administrata Amerikane e Ushqimit dhe Barnave autorizoi përdorimin emergjent të vaksinës Moderna për të rriturit dhe të vaksinës Pfizer/BioNTech për njerëzit e moshës 16 vjeç e lart. Në shkurt, FDA autorizoi përdorimin emergjent të vaksinës Johnson & Johnson për të rriturit 18 vjeç e lart.
