Një tjetër shtet ka pezulluar përdorimin e vaksinës së AstraZeneca.
Spanja do të ndalojë përdorimin e vaksinës AstraZeneca për të paktën dy javë, tha të hënën ministrja e shëndetësisë Carolina Darias.
Pas efekteve anësorë të shfaqura tek qytetarët e vaksinuar, disa shtete të BE kanë pezulluar përdorimin e kësaj vaksine.
Franca, Gjermania dhe Italia, janë vendet e fundit që kanë pezulluar përdorimin e Oxford-AstraZeneca kundër koronavirusit, për shkak të shqetësimeve në lidhje me efektet anësore të mundshme.
Ndërkohë Holanda, Irlanda, Danimarka, Norvegjia, Bullgaria, Islanda dhe Tajlanda tashmë kanë ndaluar përdorimin e tyre të vaksinës AstraZeneca.
Agjencia Evropiane e Barnave (EMA), e cila aktualisht po kryen një rishikim të incidenteve të mpiksjes së gjakut, thotë se përfitimet e vaksinës vazhdojnë të tejkalojnë rreziqet e saj.
Shqipëria, e cila mori 38 400 doza dy ditë më parë, vijon përdorimin e kësaj vaksine.
