Maqedonia e Veriut nuk po kalon një situatë të lehtë sa i takon pandemisë COVID-19. Gjatë 24 orëve të fundit, janë regjistruar 21 viktima dhe 284 raste të reja me COVID-19.
Sipas të dhënave të Ministrisë së Shëndetësisë, numri i përgjithshëm i rasteve të konfirmuara me koronavirus në vend, arrin në 112.903, prej të cilëve 3.340 kanë humbur jetën.
Institucionet shëndetësore konfirmojnë se gjatë 24 orëve të fundit 449 pacientë kanë fituar betejën me virusin, duke e çuar numrin e përgjithshëm që pas shpërthimit të pandemisë në 98.113.
Aktualisht në të gjithë Maqedoninë e veriut, numri i rasteve aktive është 11.457.
