Tjetër vetëvrasje në pak orë në vend. Një i moshuar është hedhur nga kati i katërt i pallatit ku jetonte, ku lagjen “Partizani” në Përmet.
“Rreth orës 10:55, njoftohemi se në lagjen ‘Partizani’ shtetasi Xh.M., rreth 78 vjeç, në gjendje të rënduar depresive, është vetëhedhur nga kati i katërt i një pallati dhe si pasojë ka ndërruar jetë në spital”, njoftoi policia lokale.
Në vendngjarje shkoi grupi hetimor dhe po punohet për zbardhjen e rrethanave të ngjarjes, shtuan të njëjtat burime.
Më herët, një grua në Gjirokastër humbi jetën pasi u hodh nga kati i pestë i banesës ku jetonte.
