Një ngjarje tragjike është regjistruar në Çikago në SHBA, ku një person i armatosur ka hyrë brenda një lokali dhe ka vrarë 2 persona, ndërsa ka plagosur 15 të tjerë.
Sipas mediave të huaja, personi në fjalë papritmas filloi të qëllojë në një klub në Park Manor gjatë një ahengu të organizuar nga një kompani.
Ndërkohë, lajmi është konfirmuar edhe nga një zëdhënës i policisë në Çikago, i cili thotë se janë gjetur katër armë në vendin e ngjarjes.
Raportohet se të plagosurit janë të moshës 20 deri 44 vjeç, të cilët u dërguan me urgjencë në spital, me disa në gjendje kritike, ndërsa sipas mediave të huaja numri i viktimave mund të rritet në orët e ardhshme.
