Belind Këlliçi, një prej drejtuesve politikë të PD në Qarkun e Tiranës, u shpreh sot se nga viti i parë në qeverisje do të jepen 100 milionë euro subvencione për fermerët tanë.
Kandidati demokrat për deputet në Tiranë Belind Këlliçi, vizitoi serën prej 2200 metrash katrorë të një fermeri në Nj.A Vaqarr.
Pyetjes së Këlliçit nëse përfaqësues të qeverisë ose Bashkisë Tiranë kanë ardhur deri këtu, fermeri iu përgjigj duke ironizuar kryebashkiakun Veliaj.
“Edhe po të dojë të vijë s’ka nga vjen me këtë rrugë”, shprehet ai.
Vështirësitë e një fermeri shqiptar janë të shumta, nga barnat bujqësore te taksat e larta, si dhe mungesa e subvencioneve nga qeveria. ”
Nga e gjithë serra, 1 lek s’ka nga shteti”, tregon ai.
Belind Këlliçi është përfshirë në listën e kandidatëve për deputetë të PD për qarkun Tiranë, duke u renditur në vendin e dhjetë. Kjo është gara e parë elektorale për kreun e Forumit Rinor të Partisë Demokratike, i cili mban njëkohësisht detyrën e drejtuesit politik për degët 6, 13, 15 dhe 16 të PD.
