Kryetari i Partisë Demokratike Lulzim Basha ka takuar sot qytetarët në Lezhë. Në një postim në rrjetet sociale, pas takimeve të zhvilluara në Lezhë, Basha shkruan se sot lezhianët i thanë se kanë zgjedhur shpresën mbi frikën.
Kryedemokrati shprehet se qytetarët e Lezhës janë tashmë të bashkuar për t’ua kthyer Shqipërinë qytetarëve të saj.
“Sot, qindra qytetarë të Lezhës na pritën për të na thënë se ka ardhur koha për ndryshim! Sot, qytetarët lezhjanë na thanë se kanë zgjedhur shpresën mbi frikën, bashkimin mbi përçarjen.
Sot, ata e thanë me plot gojën se ne tashmë jemi bashkuar për t’ua kthyer Shqipërinë qytetarëve të saj. Për të dhënë mesazhin e fuqishëm se ndryshimi po vjen në Shqipëri dhe Shqipëria fiton!”, shkruan Basha.
