Drejtuesi Politik i PD për Qarkun e Vlorës, Bujar Leskaj, prezantoi sot kandidatët për deputetë në Sarandë.
Leskaj prezantoi Ina Zhupën, e cila renditet e 2-ta në listën shumëemërore të demokratëve për Vlorën, Jolio Dinen nr.7 dhe Manjola Nikollon nr.15, si kandidatë për zonën Sarandë, Konispol, Finiq, Delvinë dhe Himarë.
Leskaj ftoi të gjitha strukturat e kësaj force politike të bashkohen me ortekun që po vjen për rrëzimin e qeverisë Rama.
Ai theksoi se ekipi i Sarandes përbëhet nga figura të shkëlqyera që do të ndihmojnë në maksimizimin e votës duke rritur numrin e mandateve të fituara nga PD në Qarkun Vlorë.
Kandidatët Jolio Dine dhe Manjola Nikollo shprehën gadishmerinë e tyre edhe si banorë të zonës për maksimizimin e rezultatit të 25 prillit.
