Mjekja pediatre, Gjeorgjina Kuli-Lito tha se janë shënuar rreth 3500 raste pediatrike pozitive me koronavirus, prej të cilëve 5 % e tyre kanë kërkuar ndihmë të aparatit spitalor.
Ajo gjithashtu theksoi se aktualisht ka kapacitete të lira nëse do të jenë të domosdoshme për hospitalizim të fëmijëve, ndërsa theksoi se fatmirësisht gjatë dy muajve të fundit nuk ka pasur rritje të kërkesës për hospitalizime.
“Në lidhje me rastet pediatrike kemi rreth 3500 raste pozitive prej të cilave vetëm 5% kanë kërkuar ndihmë spitalore. Pra që kanë paraqitur komplikacione të aparatit respirator.
Aktualisht kemi kapacitete të lira për hospitalizimin e fëmijëve nëse do të jetë e nevojshme, po ashtu kemi të gatshëm skenarë për të ndihmuar në raste të kërkesës së rritur për hospitalizim gjë që nuk është vënë re këto dy muajt e fundit. Fatmirësisht rastet e fatalitetit të fëmijët mbetet me një rast që kemi raportuar dhe në fillim të pandemisë”, tha ajo.
