Rektorati i Universitetit “Luigj Gurakuqi” në Shkodër ka pezulluar nga detyra dy pedagogët e arrestuar dje, pasi dyshohet se merrnin para nga studentët në këmbim të notave kaluese duke ndërtuar një skemë korrupsioni.
Simon Lufi, Shef i Departamentit të Historisë dhe Roakin Daberdaku zv.Dekan i Fakultetit të Filologjisë, janë pezulluar nga të gjitha funksionet që kryenin në universitet.
Një hetim i prokurorisë ka zbuluar dy pedagogët,të cilët në bashkëpunim me studentë dhe sekserë kishin krijuar një skemë korrupsioni në dhënien e provimeve kundrejt vlerave monetare 200-700 euro.
Në këmbim, pedagogët u kanë siguruar studentëve nota kaluese në provime të ndryshme ose vlerësime të larta, të cilat më pas do të shërbenin për regjistrimin në master. Në lidhje me këtë skemë korrupsioni janë arrestuar 9 persona, mes tyre edhe dy pedagogët, ndërsa janë shpallur në kërkim edhe 4 studentë.
