Në një dalje për mediat nga Elbasani, ku u takua me krerët e listave të partive politike, ambasadorja e SHBA në Tiranë Yuri Kim është shprehur se, kjo javë është e rëndësishme pasi partitë politike dorëzuan listat në KQZ.
Por diplomatja u rikthye edhe një herë te mesazhi i saj i kahershëm për listat të pastra dhe pa personazhe me rekorde kriminale apo korruptive.
“Është thelbësore që drejtuesit politikë të marrin përgjegjësi që listat e tyre të jenë në përputhje me ligjin shqiptar dhe gjithë përcaktimet e bëra nga SHBA“.
Sipas saj, pritshmëritë e SHBA janë të qarta: lista të pastra dhe zgjedhje të lira e të ndershme.
