Një denoncim i rëndë për blerjen e votës është bërë nga anëtari i kryesisë dhe drejtuesi i fushatës së PD-së, Alfred Rushaj.
Rushaj ka publikuar një foto të shkrepur në zyrat e PS-së, në njësinë nr 8 ku shihen qytetarë të mbledhur që sipas tij janë duke pritur të marrin miell, oriz, makarona e vaj.
Rushaj shkruan se Ervin Bushati është duke shpërndarë lëmoshë për socialistët në nevojë të cilët kanë nevojë për ndihmë ekonomike. “Një votë sa një lëmoshë.”-shkruan Rushaj.
Postimi i plotë:
Një votë sa një lëmoshë.
Ervin Bushati, nga dëshpërimi, shpërndan lëmoshë për socialistët në nevojë të cilët ndihmën ekonomike duhet ta marrin nga njësitë administrative dhe jo zyrat e PS-së.
Është mjerane të shohësh se si shqiptarët e varfër sa s’ka mblidhen rreth zyrës së PS-së në njësinë 8 për një trastë me miell, oriz, makarona e vaj. Kaq vlen një votë e lypur nga rilindasit?!
Pamjet tregojnë qartazi paaftësinë dhe korrupsionin e funksionarëve socialistë që në vënd të shpalosin programin për njerëzit në nevojë e tërë shqiptarët, shpërndajnë ushqime që s’dalin as për një ditë.
Kjo është fytyra e humbjes, fytyra e Rilindjes.
Shqipëria 🇦🇱 fiton ✌️me Partinë Demokratike dhe Lulzim Bashën kryeministër.
