Kryeministri Edi Rama ka nisur konferencën online me kandidatët për zgjedhjet e 25 prillit. Rama e ka nisur me dy kryesueset e listës, Najada Çomon dhe profesoreshën e inxhinierisë së ndërtimit Luljeta Bozo, për të cilët tha se janë dy profesioniste që do të kontribuojnë për vendin.
Por Rama, sërish ka ironizuar koalicionin opozitar, ku thekson se nuk bëhet Shqipëria me figurat e vjetra që kanë vënë para një dhëndër. Rama vijoi me mburrje, se kush përveç tyre (PS-së) mund ta çojë vendin përpara.
“Kanë nxjerrë përpara një dhëndër dhe janë nisur për dasëm, me katastrenat e Gon Dukës, me kapsollat e Fatmir Mediut, me faqoren e Dash Shehit, me kecat e Tym Idrizit, me vetullat e Vangjel Dules, me preshët e Tritanin, me kasetat e Salianjit, me peshqirët e Mziut, simiten e Xhaferrit të Durrësit me rakinë e Leskos me gërrnetën e Mesilës, kurrë në historinë e saj që nga 1912 nuk e kanë parë këtë tabor krushqish. Kush mund t’i fitojë betejat që i duhen Shqipërisë përveç nesh?”, tha Rama.
