Ergi Dini dhe shoku i tij Kejdi Halili u aksidentuan mbrëmjen e djeshme në zonën e ish -Bllokut në Tiranë, ku humbën jetën të dy.
Kejdi Halili ishte djali i vetëm i gazetares, poetes dhe pedagoges së Universitetit të Tiranës, Erenestina Halilit. Erenestina e ka treguar edhe në media raportin që ka pasur me djalin e saj duke e konsideruar si fëmijën më të mirë në botë. Ky i fundit duket se e ka patur pasion shpejtësinë. Këtë detaj e ka vënë në dukje edhe në profilin e tij në “Instagram”. Ai shkruan tek introja “Nëse shpejtësia më vret një ditë mos qani, pasi unë do jem duke qeshur”. Kejdi Halili ishte duke drejtuar motorin me të cilin dy të rinjtë u aksidentuan në ish¬Bllok. Kjo është një nga intervistat ku Erenestina Halili ka folur për djalin e saj të ndjerin Kejdi Halili. Periudha e adoleshencës e vështirëson raportin nënë-fëmijë. Këtë nuk e thonë vetëm psikologët, por e pranojnë edhe nënat që e përjetojnë dhe prekin nga afër momentin e hedhjes pas të kësaj faze. Të njëjtën gjë na e rrëfen edhe Erenestina Halili. Në raportin e saj më të birin 15¬vjeçar, Kejdin, dhe në përballjen me kërkesat apo dëshirat e moshës së tij, ajo shpesh gjendet e papërgatitur ose në konfrontime për shkak të pamundësisë për t’i thënë “JO”, ose për ta bindur djalin për të kundërtën. Si do ta etiketonit marrëdhënien me Kejdin? Ndonjëherë më duket se për gjithçka ka faj ai, më pas se për gjithçka fajin e kam unë. Herë të tjera se është fëmija më i mirë në botë, herë të tjera i shoh një mijë dobësi. Por, kur ai shtrihet e mbyll sytë e bukur me qerpikë të gjatë, unë e puth dhe mendoj se ashtu e kam ëndërruar që ditën që u ngjiz. Kejdi po burrërohet shpejt, në shtat e në mendje. Dhe raporti im është ai i një nëne që fëmijët e saj i ka në dritë të syrit, edhe pse kjo sjell bezdisje për ta, shpesh apo ndonjëherë.
