Gjykatën Kushtetuese ka rrëzuar kërkesën e PS për të hequr pezullimin e ligjit të vetingut. Sot u mbajt seanca e parë dëgjimore publike për ligjin pas kërkesës së PDsë dhe gjyqtarëve.
Gjykata ka marrë parasysh te gjitha shkaqet qe ka marre vendimin e pezullimit. Kushtetuesja nuk e hoqi pezullimin deri në shpalljen e vendimit përfundimtar të ligjit të vetingut. Ambasadori Donald Lu ishte në Gjykatën Kushtetuese teksa Pandeli Majko, Fatmir Xhafaj, Vasilika Hysi dhe Ulsi Manja përfaqësonin Kuvendin.
Pandeli Majko kerkoi heqjen e pezullimit te ligjit te vetingut qe ka vendosur me heret me nje vendim te ndermjetem Kushtetuesja.
Sipas tij: “Nuk dime shkaqet e pezullimit. Sipas Kushtetutes duhet te kishte arsyetim. Pezullimi eshte bere jo sipas percaktimit kushtetues. Detyrimin ligjor per te deklaruar apo fshehur pasurine nga ana e gjyqtareve e percakton Kushtetuta”.
Teksa Unioni i Gjyqtareve, me perfaqesues kreun e tij Gerd Hoxha, eshte shprehur kunder heqjes se pezullimit.
Gazmend Bardhi, Oerd Bylykbashi dhe Ivi Kaso ishin përfaqësuesit nga PD¬ja. Bardhi tha se “vendimi i Gjykatës Kushtetuese për pezullim nuk mund të diskutohet”.
Vetingu është kthyer tashmë një kusht për hapjen e negociatave me Bashkimin Europian.
Seanca e të martës nuk është vendimarrëse, sepse vendimi pritet pas 10 dhjetorit, kur Komisioni i Venecias të publikojë opinionin e vet për standardet e ligjit që bën rivlerësimin e gjyqtarëve dhe prokurorëve. Në tryezën e gjykatësve janë dy kërkesa për ta shpallur ligjin antikushtetues, ajo e Partisë Demokratike dhe kërkesa e Unionit të Gjyqtarëve. Gjyqtarët, njësoj si opozita ngrenë shqetësimin për rolin e Inspektoriatit të Pasurive gjatë procesit të Vettingut.
