Kejdi Halili, 21 –vjeçari që humbi jetën në aksidentin tragjik të mbrëmjes së shkuar në zonën e ish –Bllokut në Tiranë, ishte i apasionuar pas shpejtësisë dhe motorit.
Ai shkruante në një status në Instagram se nëse do të vdiste nga shpejtësia, nuk duhet ta qnin.
“Nëse shpejtësia më vret një ditë, mos qani, pasi unë do të jem duke qeshur”, shkruan ai në anglisht.
Kejdi Halili, djali i ish –kryeredaktores së TVSH –së, Ernestina Halili, ishte në drejtimin e motorit që u rrëzua sapo doli në unazë. Ai dhe shoku i tij, këngëtari Ergi Dini, fitues i X Factor Albania, u dërguan të plagosur në spital, por humbën jetën si pasojë e plagëve të marra. Sipas policisë, ata u rrëzuan gjatë një manovre për të ngritur motorin me një rrotë, ranë mbrapsht dhe pësuan dëmtime në kokë.
